धादिङ (प्रस), विश्व कम्युनिष्ट आन्दोलनका आदर्श माओ–त्सेतुङको ११८ औं जयन्ती सोमबार देशभर विभिन्न कार्यक्रम गरी मनाइएको छ । माओको विचार र आदर्शको जगमा टेकेर अघि बढेको एकीकृत नेकपा माओवादी र यसका भातृ संगठनहरुले माओ जयन्तीमा विभिन्न कार्यक्रमहरु सम्पन्न गरेका छन् ।

यसैक्रममा एकीकृत नेकपा माओवादी धादिङले सोमबार धादिङबेसीमा माओजयन्ती विशेष कार्यक्रम सम्पन्न गरेको छ । एमाओवादी धादिङका सह–सचिव विजय बुर्लाकोटीको अध्यक्षतामा सम्पन्न कार्यक्रममा पार्टीका जिल्ला सह–इञ्र्चाज रामबहादुर भण्डारीको प्रमुख आतिथ्य रहेको थियो । कार्यक्रमका सम्बोधन गर्दै प्रमुख अतिथि भण्डारीले चिनियाँ परिस्थिति अनुरुप क्रान्ति र माक्र्सवाद अघि बढेकाले चिनमा क्रान्ति सफल भएको बताउनु भयो । नेपालले पनि आफ्नो परिवेश र परिस्थिति अनुसार क्रान्ति र माक्र्सवादलाई अघि बढाउनुपर्ने उहाँको भनाई थियो ।

यसैगरी कार्यक्रममा एनेकपा माओवादी ताम्सालिङ राज्य समिति सदस्यहरु मनराज भण्डारी, गणेश तिवारी लगायतले विश्व कम्यूनिष्ट आन्दोलनमा माओको योगदानको चर्चा  गर्नुभएको थियो ।