धादिङबेसी (प्रस), निजी तथा आवासीय विद्यालय अर्गनाइजेशन नेपाल (प्याब्सन) धादिङको अध्यक्षमा शान्तविक्रम बानियाँ निर्वाचित हुनुभएको छ । आईतबार राती सम्पन्न ५ औं अधिवेशनले बानियाको अध्यक्षतामा ११ सदस्यीय जिल्ला कार्य समितिको चयन गरेको हो । अधिवेशनबाट कार्य समितिको उपाध्यक्षमा रमेशकुमार श्रेष्ठ, सचिवमा देवीप्रसाद अधिकारी, कोषाध्यक्षमा गोविन्द बुढाथोकी, सह–सचिवमा ज्योती लामा, सह–कोषाध्यक्षमा विश्वनाथ उप्रेती र सदस्यहरुमा जिवन घिमिरे, माया पाठक, भुवन त्रिपाठी, दिनेश भट्ट र दीपक कार्की निर्वाचित हुनु भएको छ । यसैगरी अधिबेशनले प्याब्सनको केन्द्रीय महाधिबेशन प्रतिनिधीमा नेत्रराज पौडेल, केदार पाठक  र मिना प्रधानलाई चयन गरेको छ । प्याब्सन धादिङमा जिल्ला का विभिन्न ३१ वटा निजी बिद्यालयहरु आवद्ध रहेका छन । प्याब्सन धादिङको संस्थापक अध्यक्ष र त्यसपछिको एक कार्यकालमा समेत बानियाँले अध्यक्षको जिम्मेवारी बहन गरिसक्नु भएको छ । प्याब्सन धादिङका अध्यक्ष नवराज ओझाको अध्यक्षतामा भएको अधिवेशनको प्रमुख अतिथि प्याब्सनका केन्द्रीय सचिव विमल थापा रहनुभएको थियो ।